Diamars, studiantenan di Colegio Nigel Matthew tabata den nan di dos dia di examen. P’esey naturalmente nan mester ta bon comi, pa nan por funciona na scol.
Robin-Ann Didder, miembro di management team di Colegio Nigel Matthew, conoci como Colegio San Nicolas ta conta na cuminsamento e aña escolar a bay turbulento, pa loke ta preparacion di examen. Pero toch a purba di haci nan parti. Management Team, como tambe docente y mayornan tabatin nan reto den e parti di digitalisacion den enseñansa y a cana su caminda.
A cuminsa cu cierto klasnan, unda cu nan a bay 100% y tambe tabatin otro grupo cu a haci 50/50. Tambe tabatin e situacion manera tur otro scol cu a test positivo pa COVID-19. Tabatin mucha den cuarentena. Pero semper a ‘hou bij’ pa percura pa e hobennan haya nan les, vooral esunnan di examen, pa nan ta prepara pa nan por sigui.
Didder a menciona cu mainta e muchanan ta bin trempan pa nan ‘Breakfast Club’ pa 7’or. Nan ta bay den klas y tuma nan tempo.
E parti protocolario cu ta haci tur studiantenan ta mustra cu nan ta hopi relaha. Por a mira e diferencia den nan cara cu nan ta relaha.
Didder ta desea tur studiante di Colegio Nigel Matthew y tur studiante di Aruba un exito. Sa cu ta den temporada dificil, pero asina mes bay pe. Zet in y no give up.
Samuel Dumfries, miembro di management team di Colegio Nigel Matthew a comenta cu e scol ta bayendo basta bon. E logistica ta algo cu tin cu percura pa tur cos ta pa tempo.
“E surveillantenan ta na tempo. Ta buscando tur cos di kluis. E hobennan ta na tempo,” Dumfries ta menciona En berdad pa calma nan cu e parti di nervio, tin e parti di ‘Breakfast Club’.
Ta purba di empodera y yuda nan pa nan caba e ultimo parti di nan estudio di cinco aña pa nan haya nan HAVO Diploma y sigui bay den exterior of na Aruba mes pa nan por studia pa bira un profesional cu por yuda nos pais.
Pa mas detaye lesa matutino TREMPAN.