Diahuebs mainta a presenta e prome show di e obra di teatro Spirito na Cas di Cultura, special pa scolnan, adultonan mayor y bisiñanan di JFK Educational Center.
Vicky Arens, directora di Cas Di Cultura ta bisa nos cu hopi hende ta impresiona cu e actuacion ta hopi fuerte, cu e efectonan ta diferente. “Mi ta kere ta bayendo hopi bon nos tin cu wak na final kico nan tur ta pensa,” Arens a bisa nos durante e pauze. “Mi a gusta con nan a bin cu e auto asina aden, e tabata hopi nice, anto e actuacion tambe ta tremendo, mi a gusta con e hendenan actuando ta haci’e, nan ta actua basta bon, e ta hopi nice,” studiante di Colegio Nigel Matthew, Jennyanne Gomes ta expresa.
Pa publico general, e obra lo ta riba dia 20 y 21 di october pa 7:30pm na Cas di Cultura, cu ta posibel cu sosten di UNOCA, Prins Bernhard Cultuurfonds, Fondspodium Kunsten y Departamento di Cultura. Edad ta 16+ y pa persona di 65+ anto esnan 16 y 25 aña ta haya descuento riba muestra di ID, unicamente na Cas di Cultura.
Lesa mas den TREMPAN.
