Recientemente wega di trefbal escolar categoria B- Mucha Muhe a tuma luga, tanto den sector di Santa Cruz/San Nicolas, Noord y Oranjestad.
E scolnan cu a participa den nan sector a bataya contra otro, caminda di prome y di dos luga di cada sector ta pasa pa final cu ta tuma luga dia 11 di october 2022.
Sector Noord:
Poule A:
Prome wega den poule A tabata entre Colegio Felipe B. Tromp y St. Aloysius School cual wega Colegio Felipe B. Tromp a bay cu e victoria cu score final di 15-2. E di dos wega tabata entre St. Aloysius School y St. Anna School caminda cu St. Anna School a bay cu e victoria cu score final di 8-4.
E di tres wega den poule A, Colegio Felipe B. Tromp a enfrenta St. Anna School y aki a gana e wega cu score final di 8-7.
Poule B:
Den poule B, Scol Basico Washington a clasifica automaticamente pa e final di sector di Noord ya cu 2 scol den e poule aki no a presenta.
Asina aki tambe Colegio Felipe B. Tromp y S.B. Washington ta clasifica pa final nacional cu ta tuma luga dia 11 di october 2022. E weganan aki ta bay tuma luga den C.D. Frans Figaroa na Noord.
