Diaranson Minister Economia, Comunicacion y Desaroyo Sostenibel tabata di bishita na Colegio Bon Bini na Madiki.
Meta di e bishita tabata pa duna un presentacion tocante e Metanan di Desaroyo Sostenibel (“Sustainable Development Goals SDG’s”). E SDG’s ta enfoca riba caba cu pobresa y hamber, elimina desigualdad, proteha planeta, y segura cu tur hende por disfruta di bon salud y cuido medico, husticia, y prosperidad. Ta crucial pa ningun persona keda atras.
Pakico ta importante pa educa e hoben riba SDG’s?
E metanan di desaroyo sostenibel ta un esfuerso conhunto di tur persona y entidad den comunidad. Nos muchanan tin un rol importante den transforma nos mundo – y isla – di mañan
Hobennan tin e oportunidad pa haci un diferencia pa nan mes, nan famia y pa nan comunidad. E interaccion cu e hobennan ta demostra cu nos nan ta hopi al caso di kico ta pasando na mundo, y ta representa un speransa pa mehoracion y mas inclusion den desaroyo di nos isla.
