Siman nobo a habri cu chauffeur boca grandi deteni pa core auto bou influencia y ocasiona accidente. Tabata net poco panort di Yami Yami Restaurant na Bubali unda cu a sosode un accidente.
Aki un Honda SUV maneha pa chauffeur bebi a “brake” y slip bay dal riba un RHD cu tabata para riba caminda di santo pa subi caminda.
Segun e chauffeur di e Honda: e RHD a sali su dilanti. Pero e “spoornan” a mustra diferente. E chauffeur di e Honda a surpasa su limite ora cu Polis a pone supla. Na momento cu Polis a bay controla den e auto, a haya holo di marihuana. A sigui cu e buskeda y haya cantidad di marihuana y cocaina den e auto. A confisca e auto pa mas investigacion riba e caso.
