Simulando e manera con Geoffrey Wever a manda un carta habri na lider di AVP, Mike Eman; di e manera ey candidato di e partido berde, Clifford Heyliger a reacciona riba e candidato di RAIZ. Un carta habri na lider di e partido, Ursell Arends, caminda e candidato nobo di AVP ta expresa su desapunto indicando cu Wever a scoge pa sigui e trayectoria di politica bieu di husga y perpetua un agenda politico populista.
E carta ta bin despues cu dialuna e candidato number dos riba lista di partido RAIZ den e ultimo eleccion a publica un carta riba media social den cual basicamente e ta pidi e lider di AVP pa, na su luga, pidi candidato Benny Sevinger nenga su luga den Parlamento. E motivacion tras di e peticion aki ta cu Wever ta considera cu e huramentacion di Sevinger, mientras cu e ta deteni como sospechoso den caso Avestruz, como un mancha den e historia di nos pais.
Pa cobertura mas amplio, lesa e edicion di TREMPAN mañan.
