Na mas di un ocasion e clientenan di DIMAS ta expresa nan preocupacion- y frustracion riba red social, ya cu atencion pa cu cliente na DIMAS, ta laga hopi di desea.
Wildemaro Perez ta un di e clientenan di DIMAS cu no ta haya servicio for di e entidad gubernamental aki y diaranson el a bay DIMAS unda un biaha mas ta nenga di dun’e servicio. Tin varios persona cu e mesun problema aki unda cu ta bisa nan cu nan permiso ta cla, pero nan no tin otro informacion. Tur demas documento ta na ordo.
Si un cliente no yama polis pa DIMAS, nunca nan no ta haya oido di parti director di DIMAS. Perez ta pidi un cita, tampoco no ta posibel ya cu e fechanan cu tin habri ta te otro aña. Esaki ta dentro di 4 luna. Con por ta posibel? Tambe e tabata tin critica rib’e hecho cu tur otro departamento gubernamental a habri pa atende cu cliente, pero te ainda DIMAS, cu bo yega n’e porta so, ya caba siguridad ta cla pa core cu cliente di eynan.
N’e ocasion aki, director di DIMAS, mr. Kathy Ruiz-Paskel, mes a baha bin abou y atende cu e clientenan personalmente y atende cu e clientenan.
Por ultimo, Perez a pidi pa gobierno pa tuma carta den e asunto aki, pa mehora servicio.
