Cu un grupo hopi entusiasma y motiva Fundacion Pa Nos Muchanan (FPNM) a clausura su
curso pa personanan cu tin e deseo pa habri nan Centro di Cuido di Mucha.
Cursistanan a haya informacion amplio riba tereno pedagogico, cuido, organisatorio, financiero y tambe riba alimentacion di mucha. E curso a consisti, entre otro, di 2 les y un fieldtrip na encargo di trahadornan pedagogico di FPNM. Durante e fieldtrip e cursistanan a haya un bista di loke ta un Centro di Cuido den practica, mientras e charla “Budgeteren” tabata den man di Sra. Layhing de Kort (Accountant) y e charla “Un bon alimentación pa nos futuro generación” den man di Sra. Sharlene Leslie (dietista IBISA/DVG).
Como tarea final, e cursistanan mester a presenta nan plan di accion pa por ricibi nan certificado. FPNM ta gradici Layhing y Sharlene pa nan tremendo presentación y na mes momento nos ta felicita e cursistanan. Teniendo cuenta cu tur e aspectonan di calidad cu a infatisa durante e curso, nos ta spera cu nan por sigi cu nan meta pa asina logra nan Centro di Cuido di Mucha.
