Juan Gomes tin algun aña ta biba na Wela y tin molester di e caminda cu ta na entrada di su cas.
Y ta p’esey mes e ta pidi p’e departamento di obra publico (DOW) pa haci algo cu e caminda. E ta un situacion basta fastioso p’e ciudadano aki.
Gomes ta splica cu no ta mantene e caminda debidamente, na ordo cu por uz’e. E ta conta cu ta bin coba e caminda y los tur e piedranan, malo p’e auto y ta daña tire.
Ta p’e motibo aki ta haci apelacion n’e departamento concerni pa haci e trabao aki hopi mas miho di loke a lag’e.
Gomes mes a lora manga y a coy su halado y a haci entrada di cas. “Mashin a bin y a laga tur piedra na monton den caminda. Bo no por pasa.”
Gomes a splica cu aña pasa a bin raspa e caminda, pero esaki no ta drechamento di caminda. E caminda manera cu e ta actualmente ta inaceptabel. DOW ta bin laga e caminda cu casi no por haci uzo di dje.
Gomes mes no a papia cu e empleadonan, sinembargo su ruman homber si, puntra nan si nan ta bin basha granit. El a haya como contesta cu en berdad nan no ta pone granit, pasobra e ta slip. E empleado cu a bisa cu e granit ta slip, e mes no ta haci uzo di e caminda ey. Con e por sa cu e caminda ta slip.
Pa un cobertura mas amplio lesa TREMPAN.
