Aruba ta conoce un aumento basta grandi di caso nobo di Coronavirus riba un dia. Dia 2 di september a tuma nota di e mesun cifra halto aki di 107 caso mientras e cifra record tabata 133 persona contagia cu tabata riba e fecha di 7 di augustus. Lamentablemente e casonan a subi drasticamente di ayera cu unicamente 33 caso nobo pa esun di awe te na 107 caso nobo di Covid-19. Ta di dos record di caso riba un dia, den e di dos ola aki di Coronavirus riba nos isla.
Segun resumen riba dia di awe tin 49 persona mas a recupera. Di e caso nobonan tur ta residente. Total di casonan activo awo ta na 1281. Testnan te cu ayera ta 505.
Pa locual ta trata caso di personanan cu a fayece relaciona cu Covid-19 ta awo na 15 persona.
Hospital di su banda ta informa cu tin un total di 40 persona interna di cual 11 ta den ICU
