Tur a cuminsa a alrededor di 6:46 pm ora cu Jacobo Ramos a bati alarma na polis informando cu su amigo ta perdi.
Tabata un atardi comun y coriente ora cu dos amigo piscado a bay pisca na Sero Colorado. Ta nan hobby pa pisca cant’i baranca. Ultimo cu nan a hacie tabata diadomingo cu a pasa ey. Nan tabata sinta band’i otro ta pisca pero pocopoco amigo di Jacobo, esta Cristian Moncion Martinez naci na Republica Dominicana na aña 1977 a cuminsa move for di e zona. El a move pocopoco riba su mes te cu Jacobo a perd’e for di bista. Ta sospecha Christian a cay for di baranca.
Jacobo a busca tur rond pero no a topa cu ne. Na yegada di polis a cuminsa cu un buskeda mesora. Cu un ayudo di helicopter, algun rato despues a topa cu e curpa sin bida den lama. A trece e curpa tera mientras a avisa e ekipo forensico di Cuerpo Policial hunto cu recherche pa cuminsa cu e parti investigativo.
Bombero tambe a presenta p’asina carga e curpa y bay cu ne direccion di e shersh. Di parti, Headlines Group, kende ta e cas editorial di 24ora.com y TREMPAN, ta manda palabra di profundo condelencia na famia y hopi forsa den e momentonan dificil aki.
