Diahuebs marduga alrededor di 1:30 am a sosode un accidente na altura di rotonde Sasaki. Aki ta caminda cu chauffeur di un Hyundai Tucson colo preto no a paga tino y a accidenta.
E auto a subi e rotonde y e front di e auto practicamente a bay por completo. Ta despues di un trip basta pisa tur esaki a tuma luga, pues e chauffeur hoben no tabata den estado pa stuur. Prome cu el a sali di e club, su amigonan a ofrece pa core p’e, pero e no a scucha.
Entre e y su amigonan, a bebe varios caha di cerbes un rato prome. E chauffeur mes no tin rijbewijs, e auto ta di su mama. Despues di haci un test di alcohol, a resulta cu e tabata burachi tambe. A deten’e y transport’e pa ward’i polis caminda a present’e dilanti di un subfiscal.
