Diadomingo mainta a sosode un accidente riba e caminda di Socotorolaan y Emmastraat. Esaki a sosode un rato despues cu awa a basha, pues e caminda tabata muha.
Un SUV cora coriendo riba Emmastraat bayendo direccion area di centro di ciudad, a haya su mes envolvi den un accidente. E auto di e agente policial femenino na civil, a wordo alcansa pa un sedan color blauw cu no a duna preferencia na e SUV cora.
Esaki ta un punto cu unda cu tur ora tin accidente ta tuma luga, apesar di borchi di indicacion poni. E impacto tabata net na banda di e chauffeur di e SUV. El a resulta herida pero no di gravedad. A lag’e supla tambe y a resulta cu no a detecta alcohol den su rosea. A pidi ambulance, mirando cu e tabata keha di dolor na su curpa si.
A sac’e for di porta di pasahero pa transporte pa hospital. Na e sitio a acudi personal di trafico y Forensys pa haci investigacion necesario.
