Diadomingo mainta algun minuut prome cu 11or a pasa un accidente estilo hit and run. Un auto marca Chevrolet, modelo Venture cu dos persona aden tabata coriendo riba e caminda di Yucuri bayendo direccion di Mahuma ora cu na dado momento dilanti di Komi Supermarket den e birada tabata bin un auto di direccion contrario tipo SUV y a lastra un brake di 35 meter largo.
E mesun auto aki a hala na man robez y bay dal duro den banda di e Venture y mande riba stupi di cas. E chauffeur a conta cu el a sera curpa y hala mas cu e tabata por pa scapa sla.
E pasahero, un hoben menor si a resulta herida y personal di ambulance a trate pa su heridanan. Lamentablemente no a logra coy e number di e auto, pero no ta descarta cu camara di e supermercado a logra capta e susedido. Spera cu autoridad por yega na e chauffeur iresponsabel aki.
