Alrededor di 2:50 pm e automobilistanan a bati alarma p’un auto coriendo hopi malo riba Green Corridor. Polis strategicamente a staciona na rotonde di Mahuma en espera di e dicho auto. Ta trata di un Nissan Fuga A-20548.
A dun’e señal pa para na rotonde Mahuma y un poco mas pabou di e rotonde a logra par’e. E chauffeur tabata hopi cansa, di baina e por a para riba su pianan. A deten’e y transport’e pa ward’i polis. E auto a keda para band’i caminda, mientras e chauffeur a bay den un transporte policial pa ward’i polis. E no por a demostra un identificacion valido, tampoco rijbewijs, ta mas motibo pa garantisa su pasadia tras di tralie.
