Diamars den careda di 12:25pm, a sosode un accident riba caminda di di Sero Pita cu Tamarijn unda cu tabata tin un persona herida.
Mesora a despacha polis pa e sitio y na nan yegada por a compronde cu e Chevrolet Spark color shinishi tabata core riba caminda di preferencia, biniendo for di direccion Piedra Plat, bayendo Tamarijn. Pero na altura di crusada di Seroe Pita, un Toyota Yaris color blanco maneha pa un señora grandi di edad a bay tuma un chens sali dilanti e Spark. Pero e no tabata por a regula su velocidad pa cual el a bay dal den e Toyota Yaris. E señora tabata keha di dolor pa cual a manda pidi pa ambulance.
E paramediconan a presenta pa asina duna e señora atencion medico.
Polis di trafico tambe a presenta pa asina haci e investigacion necesario.
