Un chauffeur hoben a monta show pa basta rato cu su Kia Cerato color cora den parkeetplaats di Gusto. Den parkeerplaats no tabata suficiente, el a sali draai riba caminda poniendo trafico den peliger. Net dilanti di Super Food polis a logra par’e.
Na prome instante polis a duna e chauffeur un chens, a kita su yabi auto for di dje y a bis’e pa cana bay cas. E chauffeur hoben a haya ta bon di cuminsa lanta bos y cuminsa discuti cu e agentenan.
E ta cuestiona cu e agente a agredie, di otro banda e agente ta nenga rotundamente cu a mishi cu e hoben. Despues di basta papiamento, a opta pa deten’e e hoben aki. A transport’e pa ward’i polis caminda a present’e dilanti un subfiscal.
