Awe, net poco despues di mey anochi, polis a bay atende un accidente riba e caminda di Santa Helenastraat, bisindario di e caminda pa bay Bushiri.
E accidente a sosode specificamente na altura di Ban Ban Cafe. Na e sitio por a compronde cu e chauffeur di e Hyundai Tucson nrA52194 tabata bin di direccion Centro di Bario Playa Pabou y un Skyline cora nrA-76941 tabata bayendo direccion Playa Pabou.
E chauffeur di e Tucson a lora su dilanti pa bay Ban Ban Cafe cu consecuencia cu e skyline tabata riba su caminda di preferencia y a termina accidenta contra e Tucson.
A detene chauffeur di e Tucson mirando cu a supla positivo pa alcohol y keda transporta pa warda di polis.
