Diasabra anochi pa mas o menos 9:15 pm a sosode un accidente riba e caminda di Macuarima. Un auto marca Toyota color blanco numera A-22603, pa un motibo of otro, a bay core na banda di trafico contrario y a dal un brommer riba caminda.
E impacto tabata asina fuerte cu a laga basta daño material atras. E chauffeur di e Toyota a bisa polis cu el a bebe dos cerbes so pero ora a test, el a surpasa e limite permiti y como tal a keda deteni.
Ambulance a presenta na e sitio pa asina brinda cuido medico na e motociclista na e sitio.
