Un chauffeur cu a admiti di bebe rom y cerbes a dal cu auto y keda herida. El a perde control dal den un CRV di direccion contrario cu su Chervrolet Spark. E ta biba na Santa Cruz y despues di dal su drinks a haya cu ta ok pa bay den un rond te Arashi pa djey bay cas bek. Na caminda pa cas banda di Topaz el a perde control dal den e CRV di direccion contrario. Polis a ser avisa di un accidente fuerte. Na yegada a pidi pa ambulance.
E señora cu tabata den e CRV a haya un herida na man y paramediconan di ambulance a atende cu ne mesora. Mientrastanto e chauffeur bou influencia si a haya sla na cabes y pecho. A atende y a hib’e hospital. Polis di trafico tambe tabata t’ey. A pidi takelwagen pa bay cu ambos auto cu a keda hopi kibra.
