Diasabra anochi alrededor di 8:45 pm a sosode un accidente cu herido riba e caminda principal di Sabana Liber. E autonan envolvi ta un Honda color shinishi y un pickup marca Chevrolet.
Despues di haci un test di alcohol cu e chauffeur di e Honda a resulta cu el a surpasa e limite permiti pa cual a bay over mesora n’e proceso di detencion. Daño material tabata basta. Polis a cera ambos banda di caminda p’asina por atende cu e accidente aki.
Mientrastanto e polisnan di trafico a sigui cu e proceso pa investiga y registra e accidente aki. Na final a transporta e detenido pa warda di polis caminda a present’e dilanti un subfiscal kende lo dicidi sea riba su encarcelacion of libertad.
