Diasabra marduga alrededor di 1:45 am polis a topa cu un auto gebolter den e greppel na Sabana Liber. Ta riba e caminda di Noord direccion Wei Min Supermarket na Sabana Liber. Ta trata di un auto marca Chevrolet moddlo Blazer color preto. Mirando e marcanan riba caminda, ta duna tur indicacion cu e auto tabata biniendo for di pariba y cu a perde control y bolter.
E chauffeur, no a keda na sitio pa responsabilisa su mes. Polis a tuma tur informacion necesario di e auto aki. Parti pafo di auto tabatin por lo menos binti boter di cerbes bashi benta, e grupito mas sigur tabata riba un paranda. Por ta e caso tambe cu; ta trata di personanan indocumenta. Polis a sigui cu su patruya y a laga e auto benta den e greppel cu cuater taira den laira.
