Diahuebs anochi, despues di 11:30 pm, a sosode accidente fuerte riba e caminda di Hato. Un Hyundai Getz color cora number A-70966 a bolter y termina riba e piedranan riba e parkeerplaats di N.V. ELMAR.
Pa un motibo of otro chauffeur di e auto a perde control y accidente. Rapidamente polis a presenta na e sitio, mientras cu a notifica ambulance tambe. Na momento cu polis a presenta n’e sitio, no a bin topa cu ningun persona. Ambulance tambe a presenta, pero a sigui su caminda cu e persona(nan) cu tabata den e auto no tabata eynan.
E Getz a sufri hopi daño. Tanto e parti patras como dilanti a ricibi hopi daño. Glas patras tambe a kibra, taira kibra. A pidi pa takelwagen presenta na sitio p’asina bay cu e auto. Diferente unidad policial a presenta n’e sitio pa dirigi tanto e trafico como cuminsa haci investigacion.
