Dialuna anochi alrededor di 11:30 a sosode un accidente ora un pickup marca Nissan color shinishi a cay den greppel.
E chauffeur den su pickup tabata biniendo for di direccion di Tanki Flip pa Hato, ta sospecha e chauffeur tabata bou influencia di alcohol. Esey ta probablemente e motibo cu net prome cu e rotonde na Hato e no por a maniobra e auto mas y a cay den greppel.
Polis a laga e chauffeur supla y el a surpasa e limite, a detene bou sospecho di stuur un vehiculo di motor bou influencia y transporte pa warda di Polis pa asina e haya un cuarto gratis pa baha su wayaba.
