Diasabra ultimo a tuma luga un workshop di un serie di tres na Club Kibrahacha, caminda cu un y tur cu a desea pa sa un tiki mas riba e malesanan cronico di diabetes, problema di curason y tambe stroke.
Instancianan manera CVA Aruba (Stroke Foundation), como tambe Aruba Heart Foundation y Fundacion Diabetico tabatey presente pa sina brinda e informacionnan necesario di prevencion.
Segun boluntario di CVA Aruba, Azriah Palm, e idea ta pa esunnan cu bin haya informacion basico riba e topico con pa preveni. Si mira bon nos ta den un situacion fastioso unda cu hende a perde informacion of no ta hayando e informacion manera mester ta.
Club Kibrahacha a wak e presentacion di CVA Aruba cu Aruba Doet y a hay’e un bon idea pa hacie hunto cu nan.
Palm a splica cu nan lo bay tin un workshop mas. Dia 6 di november lo ta e ultimo. Tambe nan tin un lista di spera pa nan workshop.
Palm a menciona cu ora inscribi pa paga, bin tambe pa atende workshop. Pasobra tin gasto di cuminda. Cada hende cu bin ta haya un ‘Healthy Meal’ di One Happy Bowl. Mester corda cu ta haya hopi informacion basico manera kico tin cu haci pa preveni.
Palm a menciona cu e reaccion ta hopi bon. Apesar cu ta den un situacion fastioso, toch ta haya hende cu ta haci nan esfuerso pa bin.
E tres instancianan lo bay tey dia 6 di november, cu lo ta e di tres workshop. Tur esunnan cu ta interesa y ta riba un lista di espera, pa keda pendiente. Lo bay traha pa realisa e tayer. Por mira e necesidad cu hende kier informacion. E informacion aki por yuda scapa abo of un miembro di famia.
