Diahuebs Centro di Bario Playa Pabou a tene un actividad pa nos grandinan 60+ den nos comunidad, unda cu tur a pasa dushi y a gosa.
Actualmente Centro di Bario Playa Pabou no tin un comision specifico pa organisa un actividad, pero unda cu tin boluntad tur cos ta posibel. Durante e actividad aki, tabata tin cah’i orgel y te hasta un grupo di Dande cu a bin deleita e publico presente cu e dushi musica di caha di orgel y door cu ta bay cera e temporada di fin di aña, a pidi un grupo di Dande pa asina deleita esunnan presenta cu e dushi dande.
Annie Kock, miembro di comision Centro Playa Pabou a bisa cu e aña aki tur esunnan interesa lo bini hunto p’asina nan por forma un comision fiho pa asina organisa actividad.
Cada dos siman Centro di Bario Playa Pabou ta organisa un actividad pa asina e comunidad di adulto mayor di Aruba por bin hunto y asina pasa un rato agradabel.
Pronto lo bay traha un programa pa ful aña. Si durante aña bin cualkier cambio, lo avisa e miembronan di esaki.
