Acuerdo ta firma! E compania local, Brouwerij Nacional Balashi ta demostra un biaha mas su compromiso pa sostene locual cu ta cultura y tradicion Rubiano. Despues di dos aña cu Aruba no a celebra carnaval, e aña aki cu hopi placer ta anuncia cu Balashi a yega na un acuerdo cu SMAC y asina sostene grandemente, e celebracion cultural di mas grandi riba nos isla.
Rowald Werleman, gerente di mercadeo di Balashi y Darren van Ommeren, presidente di SMAC a firma e acuerdo pa Carnaval 69. E partnership aki, no solamente ta encera un sosten financiero, pero tambe cu producto, pa asina sigura cu tur boluntario encarga cu nos gran celebracion ta bon hidrata pa henter e temporada nos dilanti.
Balashi ta considera Aruba su carnaval un di e mas bunitanan na mundo y como compania local ta mas cu un honor di por brinda aporta na yuda engrandece esaki mas cu por. Orguyosamente lo bisa cu Carnaval y Balashi “di nos nan ta”.
Na mes momento ta desea henter e pueblo di Aruba un feliz temporada di carnaval. Cu e aña aki cu ta celebrando e di 69 carnaval, cu e pueblo por gosa esaki plenamente pero semper den un forma responsabel.
Cu e acuerdo aki por anuncia cu oficialmente Balashi ta e cerbes di Aruba su Carnaval 69.
