Dialuna, dia 18 di Maart, nos Dia Nacional, Centro di Bario Playa Pabao tabata tin su celebracion di Himno y Bandera, caminda cu un y tur por a celebr’e den famia. Tabata tin musica, caha di orgel, gruponan di baile y solistanan local.
Ya for di 12’or di merdia, e publico tabata tey presente pa por a forma parti di e fiesta cultural te cu 8’or di anochi y for di 12’or pa 4’or, e comision 60+ di Playa Pabao, a organisa un mercado di purga.
Durante di e celebracion aki tambe tabata tin homenahe na sr. Eddy Ras. Fuera di tur esey, nan tabata tin nan cushina cu su platonan crioyo y tambe e bar bon surti. Por lo general un dia sumamente exitoso.
