Carnaval 66 un biaha mas a demostra cu Aruba su fiesta nacional ta algo mahestoso y un experiencia inigualabel, tantu pa e carnavalista nan como e publico presente.
Pero manera tur cos bon, esaki tambe ta yegando su final. NAGICO Insurances Aruba ta desea pueblo di Aruba un tremendo culminacion di Carnaval 66, na un manera responsabel y sigur. Asina tur hende por disfruta di e ultimo parada y otro evento nan sano y salvo.
Mirando e dia nan druk na caminda, NAGICO kier recorda pa tur persona bai poco poco ariba caminda pa asina por yega na e destinacion sin ningun problema. Pero como asegurador, NAGICO sa cu ni maske con cauteloso bo ta, un accidente of otro situacion imprevisto semper por pasa.
Pesey su Road Service ta disponibel pa duna asistencia banda di caminda. E servicio aki ta disponibel 24/7, na tur momento di dia, anochi y marduga na tur cliente y tambe na persona nan cu ainda no ta cliente. Por yama 191 pa asistencia cu accidente, flat tire, jumpstart, yabi sera den auto, auto cu no kier start, towing, etc. NAGICO ta desea henter pueblo di Aruba un Feliz Carnaval 66.
