Na aña 1948 despues di e atrocidadnan di Segunda Guera Mundial, den cua mucha a pasa hamber, asesina y abusa locual tabatin como consecuencia cu hopi mucha a keda traumatisa. Nacionan Uni a cuminsa delibera con por proteha hende y a bin di e DECLARACION UNIVERSAL DI DERECHO HUMANO.
Dia 20 di november 1959, Nacionan Uni a acepta e DECLARACION DI DERECHO DI MUCHA. Esaki tabata encera 10 articulo so.
Na 1989, riba 20 di november, Nacionan Uni a acepta y ratifica e TRATADO DI DERECHO DI MUCHA. Esaki ta encera 54 articulo. Diferencia entre un DECLARACION y un TRATADO ta cu e pais cu acepta un declaracion, no ta obliga pa cumpli cu ne. Ora un pais acepta y ratifica un tratado, e pais ta obliga pa cumpli cu ne y mester duna cuenta na Nacionan Uni, kico e ta haci pa percura cu e derechonan hancra den e tratado ta cumpli.
Na 2001 Aruba a ratifica e TRATADO DI DERECHO DI MUCHA. Ta tristo cu ainda hopi di e derechonan di mucha ta trapa.
ARTICULO 31 DI E TRATADO DI DERECHO DI MUCHA TA BISA: “Tur mucha tin e derecho riba sosiego y tempo liber. Den su tempo liber e mucha mester por HUNGA. Tambe mester tin e oportunidad pa por bishita un museo, wak pelicula of bishita un teatro.
STICHTING HUNGA TECA, un organisacion cu ta un sorto di biblioteca pero na unda mucha por fia co’i hunga y ta draai totalmente cu boluntario, ta organisa un evento special riba e dia Nacional y Internacional di Mucha, esta 20 di november na YMCA San Nicolas di 9:00 te cu 11:00 am cu yama: “NOS TUR TIN TALENTO”. E mucha ta bay scoge un di e 54 derechonan y pinta esaki riba un tas di canvas cu ta keda p’e.
Mester registra na 5943334. Entrada ta gratis. Rekisito ta cu un adulto mester keda cu e mucha.
Pa mas informacion tocante Hunga Teca subi www.hungateca.com of bishita e pagina di FB of Instagram HUNGATECA.
