Yegando na e prome aña di presencia di COVID-19, mester señala cu pa mas cu un luna e cantidad di casonan activo no ta baha for di 200.
Segun resumen di DVG 45 persona a recupera, mientras cu a registra un total di 45 caso nobo di Covid-19, di cual 3 ta no-residente. E cantidad total di testnan ehecuta un dia prome (diaranson) na e diferente localidadnan na Aruba, entre otro laboratorio di hospital, laboratorionan priva y aeropuerto ta 563 test. E ‘Postivity rate’ entre nos residentenan ta 23%, cu ta toch halto.
Casonan activo pa ta 221, cantidad di fayecido relaciona cu Covid-19 ta 77.
Hospital ta informa cu tin un total di 19 persona interna di cual 7 ta den Cuido Intensivo y 12 riba unidad general di COVID. Edad promedio di esnan ingresa pa extra cuido ta 63 aña.
