Polis a detene hoben cu a lanta cu su mama den cas y cu mal intencion di comete acto serio contra dje. Esaki a tuma luga awe na De Vuyst, San Nicolas band’i 3:30 pm.
Polis a presenta cu urgencia na dicho cas pa asina atende cu e situacion cu a bira hopi serio na momento cu e yiu a cuminsa menasa e mama cu morto. Segun por a compronde, e mama desespera a tuma contacto cu polis y declara cu e yiu homber lo kier mate.
Polisnan cu a yega na e cas, a topa cu e yiu homber aki bastante agresivo y cu intencion serio di elimina su mama di e mundo aki, segun informacion na sitio. E hoben a keda deten’i mesora. Locual por a compronde cu mama a bisa: Cu e mester a sconde na careda pasobra e yiu a bin cu e cuchiu y a insisti riba e intencion di hinc’e. E sospechoso a vocifera na e mama cu “awe mi ta mata bo”
Locual cu a scapa e mama ta cu el a bay sconde den camber pa evita lo pio. Cu temor pa su bida, na man di e yiu, a pensa lihe y a sconde y door di esey e mama ta na bida ainda awo. Kiko ta e motibo cu e yiu kier a mata e mama no ta conoci.
Polis a bay cu e hoben mientras e mama lo tabata direccion warda pa entrega denuncia contra su propio yiu.
