A bati alarma, cu den un establecimento di fast food lo tin un situacion tenso tumando luga entre un pareha y tur esaki den presencia di dos criatura cu ta cu nan. A papia di agresion contra e señora, despues cu un discusion a start den e localidad.
Esaki a tuma luga den careda di 12:00 pm na Tanki Leendert. Patruya a yega y a bin topa cu un hende homber den parkinglot basta altera y a indica cu e lo tabatin problema cu su pareha.
Di otro banda e victima a indica cu e homber lo a dal e, pero asina mes ta opta pa no haci denuncia contra dje. Polis a scucha ambos partido, caminda e homber a indica cu su pareha ta esun problematico y ta causante di tur locual cu a tuma luga y escala te na e momento ey.
Lamentabel cu e dos criaturanan a presencia tur cos, incluyendo e agresion contra nan mama. Polis di su banda a tuma decision di hiba e señora cu e muchanan den patruya pa asina evita mas contacto cu e agresor.
