En conexion cu e 65 aña di existencia di Casa Cuna Progreso, a celebra esaki diasabra den Renaissance Ballroom.
Oficialmente e fundacion di Casa Cuna a tuma luga dia riba un 4 di april 1957 y e aña aki Casa Cuna ta celebra su 65 aña di existencia.
Renata van Dongen, director di Casa Cuna Progreso a cuminsa na bisa cu e celebracion aki ta uno hopi special. Tin hopi storia rond di e fundacion di Casa Cuna y ta storianan hopi bunita.
Mas aleu, e director a sigui bisa cu nan ta contento cu nan por celebra esaki, sigur den den e temponan financiero dificil di awendia. Pero danki na comunidad, e celebracion por a tuma luga. For di e sede di celebracion te na e ultimo detaye pa loke ta e celebracion di platino aki, tur esaki nan a ricibi den forma di donacion.
Casa Cuna tabata tin temponan dificil y si bay den historia, e obstaculo di mas grandi tabata e aceptacion cu e t’ey.
Nan tin muchanan cu mester di un dak riba nan cabes, cu mester di yudansa. Pero danki Dios cu hopi di e muchanan ta bin eynan pa un tempo relativamente corto. Tambe nan tin e mamanan adolescente soltero (tienermoeder). Nan ta acoge e muchanan pa un tempo relativamente cortico.
Pero e trabou di mas grandi tabata pa kita e taboo. Pa zorg cu e mamanan cu tin muchanan na Casa Cuna por bishita nan yiunan, siñanan con pa trata nan yiunan, dunanan e hermentnan necesario pa nan por haci esaki.
Pa un relato mas amplio, lesa bo corant digital TREMPAN.
