Un chauffeur femenino a pasa den un susto na momento cu e tabata cu su yiu menor di edad den auto. E tabata stuur riba caminda y sin sa a pasa riba un carton cu tabata benta abou. E chauffeur no tabata sa cu tabatin un pida carton ta lastra bou di su auto.
Na dado memento, algun persona trahando band’i caminda cuminsa haci señal cu ne pa inform’e cu su auto a cuminsa pega candela. E chauffeur tabata glas cera y glas getint.
Cierto momento a logra pa e para su auto den area di Palm Beach. Accion rapido di e trahadonan di wegenbouw a pone cu e auto a keda bon. Ey nan a realisa cu no tabata e auto, sino e pida carton ta locual a pega na candela. E muffler cayente a causa cu e carton a cende candela. E trahadonan ahaci uzo di awa cu ijs cu nan tabatin den jug p’asina domina e candela y evita p’e situacion escala.
Finalmente despues di un control a tuma nota cu e auto mes no a ricibi daño.
Accion rapido di e trahadonan a evita cu tabatin daño. Ora cu brandweer a yega ya e chauffeur a bay for di sitio.
