Segun resumen di awe 65 persona a recupera y un total di 45 caso nobo di COVID-19 a keda registra cual 3 ta no-residente y 42 ta residente. E cifranan aki ta representa un ‘Positivity rate’ bou di nos residentenan di 17%. E cantidad di casonan activo di COVID-19 pa awe ta 566 y e cantidad di fayecidonan relaciona cu COVID-19 a aumenta na 149 cu morto di un residente. Forsa na famia di e fayecidonan.
Dato ta ilustra e casonan nobo di COVID c’un averahe semanal di 55 caso pa dia y un averahe di ‘positivity rate’ semanal di 23% pa dia.
Actualmente na Aruba tin 52 persona interna debi na COVID di cual 12 ta den ICU y 40 riba piso general y na Colombia tin actualmente 18 persona den Cuido Intensivo.
DELTA
For di comienso di juli cu DELTA a haci su introduccion na Aruba por observa cu lamentablemente 41 persona a perde e bataya contra e virus di COVID-19 di cual 6 tawata vacuna y 35 no tawata vacuna.
Rib’e graficonan adhunto di awe por observa e cantidad di ‘opnames’ den hospital desde comienso di juli.
