Diahuebs ta habri cu e noticia c’un otro persona ta perde e bataya contra Covid-19. A pesar di cu e contagionan di Covid-19 tin indicacion di un bahada leve, e cantidad di fayecidonan si ta sigui subi. E siman aki mes varios vuelo a sali cu pashent contagia cu Covid-19.
Segun resumen di awe 117 persona a recupera y un total di 87 caso nobo di COVID-19 a keda registra cual 8 ta turista y 79 ta residente. E cifranan aki ta representa un ‘Positivity rate’ bou di nos residentenan di 28%. Cantidad di casonan activo di COVID-19 pa awe ta 700 y cantidad di fayecidonan relaciona cu COVID-19 a aumenta na 133. Forsa na famia di fayecido.
Dato di COVID ta ilustra casonan nobo cu un averahe semanal di 81 caso pa dia y un averahe di ‘positivity rate’ semanal di 25% pa dia.
Actualmente tin 71 persona interna cu COVID-19, di cual 13 ta den ICU na Aruba, 16 den ICU na Colombia y 40 riba piso general na Aruba.
