E casonan di recuperacion ta sigui y e biaha aki 1 persona mas a recupera di COVID-19, pero a keda registra un total di 6 caso nobo di COVID-19, di cual 2 ta no-residente. E “positivity rate” di awe ta 17 %.
Casonan activo pa awe ta na 89, total di testnan haci na airport y hospital hunto ta 385, testnan haci na laboratorio di hospital so ta 24. E total di casonan di fayecimento relaciona cu COVID-19 ta 44. Averahe di casonan pa dia a base semanal ta 9 caso, averahe di “positivity rate” pa dia abase semanal ta 9%.
Hospital ta informa cu tin un total di 10 persona interna di cual 3 ta den Cuido Intensivo y 7 isola riba piso general. Mientras cu tur data ta indica cu Aruba tin control riba e transmision di COVID cu ta tumando luga.
“Awor no ta e momento pa fiesta y lubida e esfuerso y sacrificio cu a haci pa por ta caminda nos ta. E virus di COVID-19 ta sigui t’ey presente riba nos isla y nos mester sigui control’e,” segun DVG. Dentro di poco Aruba lo mester cambia di “code”oranje pa geel y esaki ta indica cu Aruba ta un destinacion sigur pa por biaha. Poco poco Aruba ta recupera su salud y economia atrobe.
Ban sigui mantene distancia, sigui aplica higiena, sigui uza tapa boca, sigui test pa COVID si bo tin sintoma, sigui mantene isolacion of cuarentena ora indica, sigui cumpli y sigui cuida Aruba ta conta cu bo!
