Despues di e candela pega cu un cas diasabra den oranan di merdia pa atardi, anochi un biaha mas Brandweer mester a bay pa un candela na Rooi Congo.
Tabata rond di 7.30 di anochi cu a activa Unidad di Bombero pa e candela na Weg Rooi Congo. Na yegada di e bomberonan, a cuminsa mesora pa spuit awa riba e candela cu tabata basta pega cu un compleho di apartamento. Tabatin miedo cu vlam of chispa por bay mas cerca y causa daño grandi.
Habitantenan a keda trankil pa e trabou eficiente di e miembronan di Cuerpo di Bombero.
E candela mas trempan tabata cerca di un cas, y tabata yerbanan seco cu e doño di cas ta sospecha cu tabata cendi intencionalmente.
