Varios unidad di bombero a sali pura direccion Sabanilla Abou cu Angochi.
Un candela hopi grandi den un mondi tabata menasa e casnan den e area.
Prome unidad di bombero cu a yega a pidi mesora pa refuerso.
E bisiñanan cu hose di awa den man tabata basha awa y muha cerca di nan cas pa asina e candela no yega kima nan propiedad. Tur hende tabata spanta.
Despues di un lucha basta largo e bomberonan a logra domina of controla e candela y asina evita lo peor.
