Diamars mainta turistanan kedando den un seccion di Aruba Beach Club mester a wordo evacua cu urgencia. E alarma a activa dunando indicacion cu tin algo andando y mester move.Seguridad a actua rapidamente y a bati alarma pa candela. E candela tabata na un tower caminda e elevator ta. Te ariba na e top por a mira e candela ta sali for di e dak. Bomberonan a yega rapidamente y a bay den accion. Trahadornan tambe mester a wordo evacua. No tabata tin hende herida. Solamente danjo material tabata tin y tur cos tabata bou di control. Turistanan cu telefon den man tabata graba full e accion na e sitio di e candela. Ora cos ta bou control e hotel por sigui funciona. Solamente e area aki lo wordo sera y probablemente e hotel mes lo tuma accion mesora pa cuminsa restaura loke a bay perdi den e candela. E ta parce un corto circuito.
