Ora cu polis y bomberonan a yega na un adres na Weg Rooi Congo, ainda a haya un habitante den susto cu e tabata for di momento cu el a descubri un candela ey mes pafo di su cas.
E hecho aki a sosode rond di 3.20 di atardi. E señora tabata sinta paden di su cas, disfrutando di su dia relahando, ora cu di repente el a hay’e invadi pa huma. E sonido a pone pensa un rato cu ta awa ta yobe, pero pafo el a bin mira cu ta un candela tabatin hopi cerca mes di su cas.
Mesora el a bati alarma na polis y Brandweer, kendenan a yega hopi lihe na e sitio pa domina e candela mesora.
E habitante a bisa cu e ta haya e situacion hopi straño y ta sospecha cu e candela ta intencionalmente cendi. Tin hopi yerba cerca banda di su cas y hopi lihe nan ta coy candela.
