Glenda Zavala-Maduro a participa den diferente festival di vallenato. Tambe e ta un compositor y e biaha aki un di su canticanan ta scogi pa forma parti dje Mundo Vallenato Volumen 2.
Glenda Zavala-Maduro, compositor, a splica cu algun luna patras Dario Eckert, presidente di vallenato na Colombia, a acerca su persona. Aki el a puntr’e si e tin algun cantica composita den su coleccion y si e kier forma parti di mundo vallenato.
Zavala-Maduro a pas’e su cantica ‘Eres todo o nada’, kende a gusta e cantica aki. A selecciona Glenda memey di 200 compositor Colombiano. Di e 200 nan ey, a scoge binti cancion pa participa den Mundo Vallenato Volumen 2.
Den e caso aki, siman pasa Zavala-Maduro a haya e grato noticia cu ‘Eres todo o nada’ ta graba y lo bay forma parti di Mundo Vallenato Volumen 2. Glenda Zavala-Maduro ta e unico Arubiano y stranhero cu ta forma parti di e produccion aki.
