Dwight Leoneta, di Buleria, ta pidi amantenan di carnaval nan colaboracion pa un proyecto grandi nan ta trahando riba dje.
E hit grandi di actualidad den Reino Hulandes “Ta mi hende nan” presenta originalmente pa Rincón Boyz y Jeon ta bay conoce un Remix.
T’asina cu Dwight Leoneta director Musical di Buleria ta trahando riba un areglo nobo den e estilo di Roadfire di e cancion grandi. Jeon, Chendell y como invitado especial Irvin “Luwi” Jano acompaña pa Buleria, ta bay interpreta e remix aki.
Asina ta cu Aruba, Boneiro y Corsou ta uni den e produccion aki.
Special pa e videoclip di e Remix aki a lansa un campaña unda cu un y tur por manda un video di recuerdo di ambiente di Carnaval of cualkier evento di Carnaval. Sea bo ta di Aruba, Boneiro, Corsou, Sint Maarten, Hulanda of cualkier parti di mundo, bo por manda bo video.
Manda bo video libremente na [email protected]. Asina bo tambe ta forma parti di e union musical aki “Ta mi hendenan” Roadfire Remix.
