Diadomingo mainta un chauffeur cu taxi TX-430 a sufri daño na su van. E tabata core riba e caminda di Juancho Irausquin Blvd y a dal den un buraco basta grandi.
E auto a kap tire. E buraco tabata riba e caminda. Mas leu el a para su auto den cercania di Paseo Herencia y bati alarma. El a splica Polis di loke a pasa. Polis a bay busca drechi mesora di e buraco. Banda di Arawak a bin topa cu e buraco.
E caminda ta den hopi mal estado eybanda. Ta asina malo cu hasta un buraco a crea cu ta causa daño si un auto pasa aden. Polis a pidi pa manda personal di DOW mesora pa e zona.
Ademas di causa daño pa auto, e ta un peliger tambe pa e peatonnan. E fotonan ta dunabo un impresion di e buraco y tambe e daño causa. A yama Forensys tambe pa asina documenta e indicente.
DOW sea ta manda personal pa sera e area rond di e buraco of ta tapa e buraco cu asfalt.
Tambe por menciona cu algun luna pasa e minister a anuncia cu lo drecha e camindanan eybanda cu ta den hopi mal estado. Ainda esaki no a sosode. Dimes e mester bay den bon cordinacion pa evita molester na e trafico druk den e zona turistico.
