Dia 29 di october ta Dia Mundial di Stroke. Esaki ta un dia caminda cu Fundacion SVA Aruba, cual ta e stroke foundation Aruba, ta boga pa tin mas conscientisacion riba e problema aki. Si wak e situacion actual, ta warda ainda riba dato cu si e casonan a aumenta pa aña.
Azriah Palm, boluntario na Fundacion SVA Aruba a cuminsa na splica cu e malesa aki ta uno cu ta mishi cu e parti financiero di salubridad Publico. Tin dos tipo di stroke, tin e stroke unda e adernan ta blokia y e otro unda e ader ta rementa y ta haya sangramento. Pero tambe tin un TIA, cu ta un stroke chikito, uno temporal. Pero e chens ta grandi cu tin uno mas fuerte na caminda. Hopi biaha un persona cu a haya un TIA, mester consulta cu nan dokter di cas lo mas pronto posibel, pa haya un tratamento adecuado tambe.
Stroke (atake celebral) no ta mara na edad, hasta baby por haya un atake celebral. Si un persona haya un stroke, esaki ta bay tin su consecuencianan pa bida largo. Si wak bon, un hende activo haya un atake celebral, e ta bay ta menos activo. Un hende independiente ta hay’e ta depende riba otro hende.
Loke e fundacion ta pone hopi enfasis ariba dje, ora cu miembro di famia, experencia atake celebral, famia ta esun mas importante ora cu e pashent bay cas, pasobra e ora terapia ta bay cas. Un hende asina tin chens di cay den un depresion. Locualt a hopi importante, ta e sistema di bida. Humamento, bebemento, tur esakinan ta factor di risico. Mester cuminsa pensa riba e consecuencianan. Tambe tin e persona cu ta diabetes, ta core risico di haya un ataca celebral.
Humamento, comemento di vet, tur esakinan ta cuminda pa stroke. E hobennan, no kere cu boso ta scapa di un atake celebral, pasobra stroke no tin edad ni genero. Ta keda na cada un, pa cambia nan estilo di bida.
Den e ultimo temponan por wak mas y mas hende ta cana, ta haci ehercicio. Sea ta mainta trempan of atardi ora solo ta bahando. Esaki ta un paso hopi importante, cu ta un cambio di mentalidad, cual nos mester hopi di dje na Aruba. Ta den cada un nos man pa conscientisa tocante stroke.
