Despues di un lucha largo awe a cera su wowonan e hoben Kendrick Boekhoudt.
Kendrick ta yiu di e bon conoci meneer Candy y Jacintha Boekhoudt, y ta tin dos ruman muhe Julisa y Jacilyn Boekhoudt.
Kendrick tabata un hoben jovial, alegre y un bon hende pa su coleganan na Tele Aruba. E tabata camarografo y tambe audio man pa programanan manera Mente Inteligente y Magia di Pasco.
E tin algun tempo malo caba, pero el a lucha fuerte y a logra wanta duro. Mayornan a hibe exterior pa otro opinionnan medico. Famianan e ultimo lunanan a percura pa Kendrick tabatin momentonan agradabel manera un biahe familiar unda tur hunto a pasa momentonan sumamente alegre y a mustr’e con grandi nan amor ta p’e.
Kendrick mes tabata consciente di su malesa y a sufri hopi ultimo lunanan te ora cu Dios a dicidi di tum’e den su Reino awe den oranan di atardi.
Na su mayornan, rumannan, coleganan, y amistadnan ta bay palabra di condolencia. Cu Kenrick sosega na paz y haya un bon luga den shelo.