Den e carta cu College Aruba financieel toezicht (CAft) a manda pa Minister di Finanza di Aruba, Xiomara Maduro, relaciona cu e Uitvoeringsrapportage presupuesto 2023, un biaha mas tin halamento di atencion. No solamente pasobra e UR aki a yega hopi despues di e fecha palabra (12 augustus), pero tambe pa motibo di aumento di gastonan di personal. Incluso e post di overtime, cu CAft un biaha mas ta bisa Minister di Finanza cu mester baha esaki.
Sin haya e cifranan completo na tempo ey ainda, CAft a tuma nota caba cu pa final di e segundo kwartaal di 2023 e gastonan di personal tabata forma un gran parti di e gastonan, esta 32 porciento di e gastonan total. A menciona e post di debe cu a baha pero cu ainda e suma a keda basta halto. Incluso ta conseha pa paga mas hopi pa reduci e debe y evita cu e interes cu mester paga ta sigui crece.
Prome cu esey caba a avisa Aruba cu no ta cumpli cu e norma poni pa e post aki. Pasonan cu a pidi pa tuma pa baha e post aki no a tuma luga tampoco.
E datonan cu CAft tin ta mustra cu na final di e segundo kwartaal e gasto di persona tabata 237 miyon florin, cu ya caba e momento ey a mustra un tendencia di ta aumentando compara cu 2022 y cu tabata un indicacion caba cu lo no cumpli cu e norma estableci.
Na momento cu a haya e di dos UR riba 13 di december ultimo, en bes di 12 di augustus manera palabra, a constata cu e post di overtime ta mas halto cu e cifranan di un aña prome di e mesun periodo.
Pa un relato amplio lesa TREMPAN.
