Un señora riba su brommer a hay’e den susto na momento cu un cacho a sali riba dje. El a perde control y resulta herida
Esaki a tuma luga den careda di 4:30 pm un poco mas pazuid di JR Autocenter na Turibana. E tabata bin di direccion noord ora cu el a hay’e ta hala di golpi pa e cacho cu a sali crusa su dilanti y pone perde control.
E cacho mes a sigui cana y drenta su cura di cas. Mientrastanto un hefe di polis na civil a mira e stagnacion, a cuminsa dirigi trafico mientras demas colega tabata nan mes na e sitio di accidente.
A pidi presencia di ambulance pa atende cu e señora cu a resulta herida. Doño di e cacho cu esunnan envolvi den e accidente a pasa palabra cu otro. No tabata mucho contento cu a hala su atencion riba e situacion cu e cacho. Te hasta menasa a cay. A cuestiona si e tabata bou influencia.
El a lastra e cachonan di mal forma paden mientras grito tabata skeiro den direccion di e motociclistanan.
![](https://24ora.com/wp-content/uploads/2022/03/IMG_0976-1-1920x1440.jpg)
![](https://24ora.com/wp-content/uploads/2022/03/IMG_0973-1920x1440.jpg)
![](https://24ora.com/wp-content/uploads/2022/03/IMG_0967-1920x1440.jpg)
![](https://24ora.com/wp-content/uploads/2022/03/IMG_0959-1920x1080.jpg)
![](https://24ora.com/wp-content/uploads/2022/03/IMG_0954-1920x1080.jpg)