Bushiri Boys a hunga e final di campeonato Futsal 5 vs 5unda nan a enfrenta Hunter. E wega no a bay facil, pero na final nan a sali victorioso.
Elvin Geerman, coach di Busiri Boys, a indica cu Hunter a dal nan hopi duro, tabatin hopi fayo. Semper den bida ora di hunga bala, bo tin di paga p’e. Geerman a sigui expresa cu den futbol e bala ta rondo, si bo no score otro ta haci esey. Simplemente mester sinta mira e foutnan, di cual mester a bay bek den seno pa sinta cu e hungadonan y papia cu nan di eseynan. Tabata mester a splica nan di e erornan, pasobra nan ta mucha jong.
E mester a papia hopi cu nan. E ta corda cu e wega prome Bushiri Boys a gana Hunter. Sinembargo, e di dos wega Bushiri Boys a perde contra Hunter y esaki tabata debi n’e erornan. Durante e ultimo wega, ambos team a subi veld duro. Como coach di futbol pa hopi aña, Geerman a bin c’un otro tactica.
E wega a cuminsa cu Bushiri Boys a bay ariba, pero Hunter tabata tabla esaki cada bes. Pero, como coach, el a opta pa haci cambio unda cu su yiu, kende tabata sinta na banki p’un lesion, a drenta wega y cos a cambia. Den pito cu su yiu den wega, nan a gana e wega cu score di 6-5.
Pa mas lesa TREMPAN.COM.
